( በአላህ ስም እጅግ በጣም ርህሩህ በጣም አዛኝ በሆነዉ )

‘’ኢትዮ ቻናል’’ ጋዜጣ የወጣዉን የተሳሳተ ጽሁፍ በተመለከተ

      የኢትዮጵያ ሙስሊሞች ሰላማዊ የመብት፤ ህገ መንግስታዊና የእምነት ጥያቄዎችን በግልጽ ማቅረብ ከጀመሩ አራት ዓመት አልፎታል ።  በነዚህ ጊዜያቶች ህዝበ ሙስሊሙ በወከላቸዉ የመፍትሄ አፈላላጊ ኮሚቴዎቹ አማካይነት የቀረቡ መሰረታዊ የእምነት ጥያቄዎችን በመያዝ ከሚመለከታቸዉ የመንግስት አካላት ጋር የተቻላቸዉን ሁሉ ያደረጉና ሂደቱንም በግልጽ ለማህበረሰቡ በማሳወቅ ላይ እያሉ ነዉ ህዝበ ሙስሊሙም ሆነ ኮሚቴዉ በማያዉቁት ሁኔታ ወኪሎቹ ለእስር የተዳረጉት።

      በእስር ላይ ሆነዉም ያሳዩት መልካም ስነ ምግባር እና የሰላማዊ ትግሉ መርህ በዓላማዉ ጸንቶ  እንዲቀጥል ማድረግ መቻላቸዉ የተነሱበትን የእምነት መከበር ጥያቄ ህጋዊነቱን አስመስክረዋል። አላህ (ሱወ) አጅራቸዉን ያብዛላቸዉ ።   

      በቅርቡ ኢትዮጵያ ዉስጥ በሚታተም ‘’ ኢትዮ ቻናል ‘’ በተሰኘ ጋዜጣ በርእሱ ላይ የሰፈረዉ ‘’ በእስር የሚገኙ 12 የሙስሊም መፍትሄ አፈላላጊ ኮሚቴዎች መንግስትን ይቅርታ ለመጠየቅ እየተማጸኑ ነዉ’’ በሚል የዘገበዉ ከርእሱ ጀምሮ   ፍጹም ስህተት መሆኑን ተያይዞ በቀረበዉ ደብዳቤ ላይ በቂ የሆነ መልእክት እያለ ከግል ስሜት ፤ ፍላጎትና ዓላማ በመነሳት ከሀቅ ዉጭ የሆኑ መልእክቶችን ማስተላለፉ ህዝብን ከማሳሳት አልፎ ከህግም አኳያ የሚያስጠይቅ እኩይ ተግባር ነዉ።

                          በዚህ ጉዳይ እንደ ድርጅቱ አካሄድ ብዙ ማለት አንፈልግም ፤ ምክንያቱም ደብዳቤዉ በራሱ በቂ ነዉ ብለን እናምናለን

·          ጥያቄዉ ከማንም ሊቀርብ ይችላል፤ በድርም በራሱ ጉዳዩን ትኩረት ሰጥቶ ማንቀሳቀስ ይችላል፤ ሆኖም ግን በግልጽ   እንደሰፈረዉ ‘’ታስረዉ ከተፈቱ ወንድሞቻችን የቀረበ ጥያቄበሚል በድህረ ገጹ ሁሉ በግልጽ የወጣ መሆኑ 

·         ምንም እንኳን ታስረዉ የተፈቱ ወንድሞቻችን ያቀረቡት ጥያቄ በራሱ በቂ ቢሆንም ጉዳዩ በዋነኛነት የሚመለከታቸዉ በእስር ላይ የሚገኙ አካላት በመሆናቸዉ እንቅስቃሴያችንን መደገፍ ወይንም አለመደገፋቸዉን ማወቅ ስለነበረብን ጥያቄ ማቅረባችን ደብዳቤዉ ራሱ ይገልጸዋል።

·         ይቅርታ ለመጠየቅ እየተማጸኑ ነዉ የሚለዉ አባባል ከየት መጣ ?  ደብዳቤዉስ ላይ አለይቅርታ ጠይቀዉ እንዲወጡ የሚመክራቸዉስ በድር ነዉ ? በኮሚቴዎቻችን ዘንድስ ተቀባይነት ይኖረዋል ብሎ የሚያስብ የሙስሊም ማህበረሰብ ይኖራልን ?

·         ከላይ በሰፈሩ ሂደቶች በድር እንደ እስላማዊ ድርጅትነቱ ከሚያከብራቸዉ፤ ከሚወዳቸዉ ፤ እንደ መሪነት አምኖ ከተቀባላቸዉ ዉድ የኢትዮጵያ ሙስሊሞች ሰላማዊ  እንቅስቃሴ የመፍትሄ አፈላላጊ ኮሚቴዎች ጋር ተነጋግሮ መስራቱ እንዲሁም ለትግሉ አማራጭ ይሆናሉ ባላቸዉ ተግባራት መንቀሳቀሱ ለምን አዲስ ክስተት ሆነብን

ይህንን ጉዳይ በተቻለ መጠን ግልጽ እንዲሆንና በህብረተሰባችን ሊኖር የሚችለዉን ዉዥንብር ለማጥፋት ከጅምሩ ትኩረት ሰጥተን በሰፊዉ የተንቀሳቀስንበት ጉዳይ መሆኑን እንዲሁም በእርጋታ ለተመለከተዉ በቀላሉ ይረዳዋል ብለንም እናምናለን። ከዚህ አኳያ በጋዜጣዉ ላይ በእስር ላይ የሚገኙ ወንድሞቻችን እንደጠየቁ ተደርጎ  መቅረቡ ትልቅ ስህተት መሆኑን እየገለጽን ህብረተሰቡ በጽናት የኮሚቴዎቻችንን መሰረታዊ የሆነዉን ሂደት ተግባራዊ ለማድረግ እንቅስቃሴያችንን እንድናጎለብት እየጠየቅን ከጋዜጣዉ አዘጋጅ ጋር ያለዉን ሁኔታ በተመለከት ወደፊት ማድረግ በሚገባን መልኩ ጥረታችንን እንቀጥላለን።

አላሁ አክበር

                                                                                                                                                                                        

                                                                            በድር ዓለም አቀፍ የሙስሊሞች ድርጅት                                                                                                                                                                                                          የዳይሬክተሮች ቦርድ                                                                                                                                                                                                                          ሰሜን አሜሪካ                                                                                                                                                   February  2016                                                        

  

                                                                    (በአላህ ስም እጅግ በጣም ርህሩህ በጣም አዛኝ በሆነዉ)

የበድር ኢትዮጵያ ዓለም አቀፍ የሙስሊሞች ድርጅት አቋም 

     በድር ኢትዮጵያ አለም አቀፍ የሙስሊሞች ድርጅት ሀይማኖታዊ ግብረሰናይ ድርጅት ከመሆኑ አንጻር ከፖለቲካ ነጻ የሆነ መሆኑን ከመሰረቱ በዓላማዎቹ  ( Objectives ) ላይ በግልጽ አስቀምጧል። ባሳለፈዉ የአስራ አምስት  ዓመት ጉዞዉ የየትኛዉም ፖለቲካ ቡድን ደጋፊም ሆነ ተቃዋሚ ሳይሆን ራሱን ችሎ የኢትዮጵያ ሙስሊሞችና እስልምናን በሚመለከት ጉዳዮች በዋነኛነት አትኩሮት በመስጠት ሲሰራ  የቆየ ፤ አሁንም በዚህ አቋሙ የጸና የኢትዮጵያ ሙስሊሞች ድርጅት መሆኑን ማረጋገጥ እንፈልጋለን።

    አላሁ አክበር

 

                                                                      በድር ኢትዮጵያ ዓለም አቀፍ የሙስሊሞች ድርጅት                                                                                                                                                                 የዳይሬክተሮች ቦርድ                                                                                                                                                                                   ሰሜን አሜሪካ                                                                                                                                              February  2016                                                                                  

 

 

 

 

                                                                 

Page 8 of 15

www.eaman.org/badr-home

Click here or the above picture for more...

 

(በአላህ ስም እጅግ በጣም ርህሩህ በጣም አዛኝ በሆነዉ)

የአላህ ሰላምና እዝነት በነቢዩ  ሙሀመድ (ሰወ) እና በቤተሰቦቻቸዉ እንዲሁም  የእሳቸዉን  ፈለግ በተከተሉት ላይ ይሁን ።

"There is no good in many of their conferences except the conferences of such as enjoin charity, or goodness, or the making of peace among men. And who so does that, seeking the pleasure of Allah, We shall soon bestow on him a great reward." (Surah Nisaa: 114)

16ኛዉ የበድር ጉባኤ  በናሽቭል

በድር ኢትዮጵያ ከተቋቋመ እነሆ አስራ ስድስተኛዉን አመት አስቆጥሯል፤ በእነዚህ አመታት ዉስጥ የተለያዩ ተግባራትን ሲያከናዉን መቆየቱ ይታወቃል፤ ከሚያከናዉናቸዉም ዋና ዋና ተግባራት መካከል አንደኛዉ በየአመቱ በሚካሄደዉ በበድር ኢትዮጵያ አመታዊ ጉባኤ ሙስሊሙን ማህበረሰብ በማገናኘት የዳዋ  ፕሮግራሞችን ከመተግበሩ አልፎ በተለያዩ አበይት ርእሶችና በወቅታዊ ችግሮች ላይ በመወያየት የመፍትሄ ሀሳቦች መሻትን ያካትታል።

በዘንድሮም ዓመት አስራስድስተኛዉን የበድር ኢትዮጵያ አለም አቀፍ ጉባኤ ለመጀመሪያ ጊዜ በአዘጋጅነት  በተመረጠዉ በናሽቭል ተኒሲ እንደሚካሄድ ስናበስር ከታላቅ ደስታ ጋር ነዉ!!

በዚህ ታላቅ ጉባኤ ላይ ለመሳተፍ ከሰሜን አሜሪካ ግዛቶች እንዲሁም ከተለያዩ የአለማችን ክፍሎችን ጨምሮ የሚገኙ ኢትዮጵያዉያን ሙስሊሞች አንድነታቸዉን ለመግለጽና እስላማዊ ወንድማማችነታቸዉን ለማጠናከር ብሎም በወቅታዊ ሁኔታዎች ዙሪያ ለመመካከር ወደዚሁ ይተማሉ። ከ (ሀምሌ) JULY 28 እስከ 31 /2016 በሚካሄደዉ በዚሁ ታላቅ ጉባኤ ተካፈይ ይሆኑ ዘንድ በድር ኢትዮጵያ አለም አቀፍ የሙስሊሞች ድርጅት በታላቅ አክብሮት ጥሪውን ያቀርባል።

አላሁ አክበር !!!

 

በድር ኢትዮጵያ አለምአቀፍ የሙስሊሞች ድርጅት

የዳይሬክተሮች ቦርድ

ሰሜን አሜሪካ

DECEMBER  2015

Go to top